Panchpargania Lipi Jala Ker Best Jankari आइज केर आरटिकल मेंहेन हामरे जानब, लिपि का हेके ? पंचपरगनिया लिपि जालाक लेके निजेक राए, पंचपरगनिया झाड़ लिपि केर बारे।
Table of Contents
लिपि का हेके
हामरे जेसन – जेसन धउनि (साड़ा) केर उचारन जे रकम माहान क’रिला तेसन – तेसन अहे रकमे उग्ला के आकार केर माइधमे लिखेक टा लिपि हेके, अरथात लिपि माहान उचारन करल धउनि गिलाक चिन्ाह निसचित करल जाएला । जेसन बरन’ ‘क’ एकटा साड़ा केर परतिक हेके, एहे रकमे बरन’ ‘ज’ एकटा दसर साड़ा केर । सब्द’ ‘‘कलम’’ माहान तिन टा साड़ा आहे क, ल, आर म ।
लिखेक माहनउ हामरे तिन टा बरन’ लेइ कलम टाके परतिक रूपे देखाइला । एक सब्द’ माहान हामरे कहे पारि कि लिपि, रेखा आर आकार केर माइधमे उचारन करल भासा के संकेत करेला । परतेक भासा केर आलेदा – आलेदा बेब’स्था आहे, लिखेक काएदा आहे । देवनागरी लिपि नेगा लेक दाहिना बाटे लिखाएला आर अरबी लिपि दाहिना लेक नेगा बाटे लिखाएला, जापानी भासाक बरन’टा एकटा फट’ रकम हएला ।
पंचपरगनिया केर लिपि Panchpargania Lipi Jala Ker Best Jankari
हामरे देवनागरी लिपि के आपुस क’इर आहि आर देवनागरी माहनेइ पंचपरगनिया भासा के लिखिला । देवनागरी एकटा बइगानिक लिपि मानल जाए आहे । बरन’ केर उचारन अनुजाइ इटाएँ सबद’ लिखल जाएला ।
परतेक भासा माहान लिपि केर जाला (समस्या) किछु – न – किछु अंसे देखे पाउआएला जेसन हिंदी माहनेइ एकटा सबद’ केर चाइर टा रूप देखा – संबंध, सम्बन्ध, संबन्ध आर सम्बंध । इ चाइर रकम केर सबद’ लिखले लेखन माहान एक रूपता नि आइ । एकेटाकेइ मानक रूप दे ह’इ ।
हामरेक पंचपरगनिया माहनउ लिपि जाला आहे एखन तक पंचपरगनिया लिख’इआ लिखेक आज – बाज ले बांचल नेखएँ । लिखेक आज – बाज ले हामरेके बाँचे ह’इ । हामरेके हामरेक उचारन आर बरत’नि माहान ताल मेल ब’नाए राखे ह’इ ।
Panchpargania Lipi Jala Ker Best Jankari
अनेक दिन तक हामरे केर लिखाइ पढ़ाइ हिंदी माहान हएक कार’ने हामरेक टान हिंदी बाटेइ हए आहे हामरे हामरेक उचारन जानेक चाहे जानत मइध’उ हिंदी रकमे उचारन करे खज’ तिहि इटा हामरेक सउबले बड़े भुल हेके जदि हामरे हिंदी रकम उचारन करब हले त’ हिंदी रकमे लिखाइ आर जदि पंचपरगनिया रकम उचारन करब हले अब’इस’ पंचपरगनिया रकम लिखाइ ।
आर हामरेक लिपि जाला केर निराकरन ह’इ । उदाहरन खातिर इ दुइ टा सब्द’ के देखा ‘‘विबाह’’ आर ‘‘यम’’ इग्ला हिंदी केर सब्द’ हेके पंचपरगनिया माहान सब्द’ केर सुरू माहान ‘‘व’’ केर उचारन ‘‘ब’’ आर ‘‘य’’ केर उचारन ‘‘ज’’ हएला, ‘‘य’’ केर उचारन काहुं – काहुं मांझेउ ‘‘ज’’ हएला ।
पंचपरगनिया उचारन अनुजाइ इ सब्द’ गिला करमस’ ‘‘बिबाह’’ आर ‘‘जम’’ लिखाइ एहे रकमे यात्रा, यमुना, यदि, विन्ती, वर, करमस’ जातरा, जमुना, जदि, बिन्ति आर बर लिखाइ ।
- किछु लग हिंदी केर संजुक्त बरन’ जेसन विद्वान, उद्गार, उद्धार, पद्मा एमाइन सब्द’ गिलाक’उ पंचपरगनियाए लिख’एँला । एसन लिखेक टा भुल ह’इ, हिंदी माहान ‘द’ केर संग ‘अ’ सअर जुड़ल नेखे से तेहें ‘द’ केर संग ( ् ) चिन्हा लागेला मंतुक पंचपरगनिया माहान ‘द’ केर संग ‘अ’ सअर जुड़ल आहे से तेहें हिंआ ( ् ) हल चिन्हा ना लाइग कहन उपर केर सब्द’ गिला करमस’ बिदुआन, उदगार, उधार, आर पदमा लिखाइ ।
- हिंदी माहान ‘र’ केर उचारन चाइर रकम केर हएला ा्र्र ª आर एकटा ‘र’ हएला, एबार जेसन मात्रा, नर्म, राष्ट्रपति, दृष्य एमाइन । हिंआ हामरेके एकटा निअम बनाए ह’इ कि जदि पंचपरगनिया माहान ताकर बिकल्प रूपे उचारन हएला हले बिकल्प रूप टाकेइ लिखेक चाहि जेसन मातरा, जातरा, परथम, परनाम, परतेक, नरम, करम, तरक’ सउआरथ’ एमाइन । किंतु केकर’ नाम मेंहेन ‘र’ केर रूप नि बदलेक चाहि जेसन हृदयनाथ, कृतिवास, प्रेमानन्द, कृपाशंकर एमाइन ।
- पंचपरगनिया माहान ‘ए’ केर दिरध’ रूप केर उचारन ‘अइ’ आर ‘ओ’ केर दिरघ’ उचारन ‘अउ’ हएला से तेहें ‘कौआ’’ टा ‘‘कउआ’’ ‘‘पैसा’’ टा पइसा लिखाइ ।
- पंचपरगनिया माहान संस्कृत केर ण, क्ष, त्र, ज्ञ, श्र, ष, श आर ऋ बरन’ केर उचारन नेखे जदि कन’ ठिन तत्सम रूपेइ लिखेक दरकार ह’इ ता हले लिखे पारि जेसन कृष्ण, मोक्ष, प्रज्ञा, षड़ानन, ज्ञापन, क्षोभ, विष्णु एमाइन ।
इन्हे भी देखें :-
- Panchpargania Test – 1
- Panchpargania Test-2
- panchpargania test – 3
- panchpargania tes – 4
- Panchpargania test-5
- Panchpargania Test -6
- Panchpargania Test-7
- Panchpargania Prakirna Sahit Ker Best Jankari
- पंचपरगनिया आधुनिक साहित्यकार
- Panchpargania Adhunik Sahityakar Ker Best Jankari 2
- Panchpargania Adhunik Sahityakar Ker Best Jankari 3
- Panchpargania Adhunik Sahityakar Ker Best Jankari 4
- Panchpargania Adhunik Sahityakar Ker Best Jankari 5
- Panchpargania Adhunik Sahityakar Ker Best Jankari 6
- Panchpargania Adhunik Sahityakar Ker Best Jankari 7
- Panchpargania Adhunik Sahityakar Ker Best Jankari 8
- Panchpargania Adhunik Sahityakar Ker Best Jankari 9
- Old Question Combined Competitive Exam
- Panchpargania Maidhyakalin Sahityakar Best Jankari 1
- Old Question Intermediate Standard (Computer Knowledge and Hindi Typing) Combined Competitive Examination
- Old Question Inter Standard 1
- Old Question Inter Standard 2
- Old Question High School teacher
- Panchpargania Maidhyakalin Kavi Best Jankari 3
- Panchpargania Maidhyakalin Kavi Best Jankari 4
- Panchpargania Antasth Varna Ker Best Jankari 1
सारांश Panchpargania Lipi Jala Ker Best Jankari
म’टा म’टि हामरे कहे पारि कि जे बरन’ केर पंचपरगनिया माहान बिकल्प हएला से बरन’ के पंचपरगनिया लेखन माहान बिकल्प रूपेइ लिखप आर सब्द’ केर उचारन माहान हरस’, दिरघ’ केर सहि – सहि बेब’हार केर धेआन राइख कहन ताकर अनुजाइ हरस’ आर दिरघ’ मातरा केर बेब’हार ह’इ हलेइ पंचपरगनिया माहान एक रूपता बनल रहि आर लिपि जाला नि र’हि ।
एखन पंचपरगनिया केर आपन लिपि केर निरमान हए आहे जेटा के झाड़ लिपि नाम देल जाए आहे । इ लिपि टाक निरमान डाॅ. करम चन्द्र अहीर जि कइर आहएँ । कन’ भासा केर आपन लिपि रहले बेस हेके । पंचपरगनिया भासा केर जदि आपन लिपि रहे त’ अब’इस’ एकटा गरब केर काथा हेके । मंतुक पंचपरगनिया केर छेतर’ बिस्तार, टंकन आर छापाइ केर असुबिधा केर दाँइजे झाड़ लिपि के आपनाएक टा सपन मातर’ ह’इ ।
इ आरटिकल टा केसन लागलग जरूर कमेंट करबा। एसने बेस-बेस परीछा उपजगि आरटिकल पढ़ेक तेहें हामरेक बेबसाइट टाके र’जे भिजिट क’रबा। एकर अलावा पंचपरगनिया भासा संबंधी केसन जानकारी चाहाला उटाकउ कमेंट केर दाराए बताबा। लेगे सउब के जोहार कर’तिहि।