Panchpargania Antasth Varna पंचपरगनिया भासा संस्कृत केर लिपि देवनागरी के आपुस क’इर आहे आर देवनागरी लिपि के दुइ भागे बाँटल जाए आहे – सउअर बरन’ आर बेंजन बरन’ । बंेजन बरन’ के तिन भागे बाँटल जाए आहे – इसपरस’ बरन’, अंतस्थ बरन’ आर उसुम (गरम) बरन’ । इ रकम अंतस्थ, बेंजन बरन’ केर एकटा भाग हेके ।
Table of Contents
Panchpargania Antasth Varna अंतस्थ बरन’ केर अरथ’
अंतस्थ दुइ सब्द’ ले बइन आहे अंत’ आर स्थ । अंत’ के अरथ’ ‘‘मांझ’’ आर स्थ केर अरथ’ ‘‘इसतिथ’’ हएला । इ भाभे अंतस्थ केर अरथ’ हएला – असन बरन’ जेगिला सउअर आर बेंजन केर मांझे इसतिथ आहे ।
Panchpargania Antasth Varna अंतस्थ बरन’ केर अन्य जानकारी
- जन बरन’ केर उचारन पारंपरिक बरन’माला केर मांझे इआनि सउअर बरन’ आर बेंजन बरनक मांझे उचारन हएला से बरन’ गिलाके अंतस्थ बरन’ कहल जाएला । अंतस्थ केर भितरे चाइर टा बरन’ आएला – य, र, ल, आर व
- ‘‘य’’ बरन’ केर उचारन तालु लेक करल जाएला ।
- पंचपरगनिया मेंहेन ‘‘य’’ केर उचारन इ + अ हएला मुदा लिखित रूपे एके इअ/एअ/इ/ए/अ लिखल जाएला ।
- सब्द’ केर पहिल ‘‘य’’ रहले पंचपरगनिया मेंहन उचारन ‘‘ज’’ हएला, जेसन – यश – जस, यम – जम, यदि – जदि, यातना – जातना, यात्री – जातरि, युग – जुग, युद्ध – जुइध, युवा – जुआ एमाइन । काहुं – काहुं मांझे आल’उ ‘‘य’’ केर उचारन ‘‘ज’’ हएला । जेसन – संयम – संजम, संयोग – संज’ग एमाइन ।
- सब्द’ केर आखिर मेंहेन ‘‘य’’ आएला ता हले ‘‘य’’ केर उचारन, ‘‘ए’’ चाहे ‘‘इ’’ हएला । जेसन – समय – समए/समइ, मय – मए, अक्षय – अछए/अखए, जय – जए एमाइन ।
- ‘‘य’’ बरन’ केर पहिल बरन’ टाएँ आकार मातरा रहेला ता हले ‘‘य’’ केर उचारन ‘‘ए’’ हएला । जेसन – माय – माए, दाय – दाए, जाय – जाए, खाय – खाए, पाय – पाए, कायदा – काएदा एमाइन ।
- ‘‘य’’ बरन’ केर पहिलुक बरन’ मेंहेन आकार केर मातरा आर ‘‘य’’ बरन’ केर बाद’उ जदि आकार मातरा देल जाएला ता हले अकर उचारन ए + आ हएला । जेसन – माया – माएआ, साया – साएआ, काया – काएआ एमाइन ।
- जदि ‘‘य’’ बरन’ केर पहिलुक बरन’ टाएँ ‘‘ ि ’’ केर मातरा आर ‘‘य’’ बरन’ टाएँ आकार ‘‘ ा ’’ केर मातरा आहे त’ इकर उचारन ‘‘ आ ’’ हए जाएला । जेसन – दिया – दिआ, दुनिया – दुनिआ, पिया – पिआ, मिया – मिआ, सिया – सिआ एमाइन ।
- व आर य लेक जुड़ल सब्द’ केर उचारन पंचपरगनिया मंेहन ‘‘ब’’ हए जाएला । जेसन – व्यवहार – बेब’हार, व्यय – ब’ए, व्यवस्थ – बेब’स्था, व्यपारी – बेपारि एमाइन ।
- ‘‘व’’ बरन’ केर उचारन दांत आर अ’ठ ले हएला, बेब’हारिक रूपे एकर/इकर उचारन व = उ + अ करल जाएला ।
- हिंदीक असन सब्द’ जेगिला पंचपरगनियाए बेब’हार करल जाएला आर ‘‘व’’ ले सुरू हएला, असन सब्द’ गिला मेंहेन ‘‘व’’ केर उचारन ‘‘ब’’ हएला । जेसन –
| हिंदी | पंचपरगनिया |
| वर्ण | बरन’ |
| वंश | बंस’ |
| वन | बन |
| वस्तु | बस्तु |
| वंसी | बंसि |
| वर | बर |
| वचन | बचन |
| वज्र | बजर’ |
- सब्देक सुरू मेंहेन ‘‘व’’ केर बादे मातरा देल’उ ‘‘व’’ केर उचारन ‘‘ब’’ रकम हएला । जेसन – वातावरण – बाताबरन, वाचाल – बाचाल, वापस – बापस, वालक – बालक एमाइन ।
- सब्द’ केर मांझे ‘‘व’’ केर उचारन काहुं – काहुं – उअ/उ रकम हएला । जेसन – बावन – बाउअन, एकावन – एकाउअन, बावना – बाउना, सेवा – सेउआ एमाइन ।
- संजुक्त’ आछर मेंहेन ‘‘व’’ केर उचारन किछु निमुद – स्वर्ग – सरग’, स्वाद – सउआद, स्वतंत्र – सतंतर’, स्वभाव – सभाप, स्वप्न – सपन, स्वीकार – सइकार, स्वाँस – सांस, स्वभाविक – सभाबिक एमाइन ।
- हिंदी मेंहेन ‘र’ केर उचारन ढेइर रकम केर हएला जेसन – मात्रा, प्रथम, नर्म, ट्रक, दृश्य, राष्ट्रपति, टेªन एमाइन । किंतु पंचपरगनिया मेंहेन इ रकम केर ढेइर ‘र’ केर उचारन नि हएला । पंचपरगनिया केर सब्द’ सहज आर सरल उचारन हएला, इ रकम पंचपरगनिया मेंहेन किबल ‘र’ बरन’ केरे बेब’हार करल जाएला । इ रकम उपरेक सब्द’ गिला एसन भाभे हइ – मातरा, परथम, नरम, टाराक, दिरिस, रास्ट’पति आर टेरेन ।
इन्हे भी देखें :-
- Panchpargania Test – 1
- Panchpargania Test-2
- panchpargania test – 3
- panchpargania tes – 4
- Panchpargania test-5
- Panchpargania Test -6
- Panchpargania Test-7
- Panchpargania Prakirna Sahit Ker Best Jankari
- पंचपरगनिया आधुनिक साहित्यकार
- Panchpargania Adhunik Sahityakar Ker Best Jankari 2
- Panchpargania Adhunik Sahityakar Ker Best Jankari 3
- Panchpargania Adhunik Sahityakar Ker Best Jankari 4
- Panchpargania Adhunik Sahityakar Ker Best Jankari 5
- Panchpargania Adhunik Sahityakar Ker Best Jankari 6
- Panchpargania Adhunik Sahityakar Ker Best Jankari 7
- Panchpargania Adhunik Sahityakar Ker Best Jankari 8
- Panchpargania Adhunik Sahityakar Ker Best Jankari 9
- Old Question Combined Competitive Exam
- Panchpargania Maidhyakalin Sahityakar Best Jankari 1
- Old Question Intermediate Standard (Computer Knowledge and Hindi Typing) Combined Competitive Examination
- Old Question Inter Standard 1
- Old Question Inter Standard 2
- Old Question High School teacher
- Panchpargania Maidhyakalin Kavi Best Jankari 3
- Panchpargania Maidhyakalin Kavi Best Jankari 4
सारांश
इ रकम देवनागरी लिपि केर अंतस्थ बरनक भितरे ‘‘य’’ आर ‘‘व’’ केर उचारन पंचपरगनियाए एकर बिकल्प रूपे करल जाएला आर ‘‘र’’ केर उचारन हिंदीक रकम अनेक रूपे ना हए कहन किबल ‘‘र’’ हएला । एकर आलाउआ ‘‘ल’’ केर उचारन मेंहेन कन’ अंतर नि देखे पाउआएला ।
इ आरटिकल टा केसन लागलग जरूर कमेंट करबा। एसने बेस-बेस परीछा उपजगि आरटिकल पढ़ेक तेहें हामरेक बेबसाइट टाके र’जे भिजिट क’रबा। एकर अलावा पंचपरगनिया भासा संबंधी केसन जानकारी चाहाला उटाकउ कमेंट केर दाराए बताबा। लेगे सउब के जोहार कर’तिहि।