Panchpargania Adhunik Sahityakar Ker Best Jankari 6

Panchpargania Adhunik Sahityakar Ker Best Jankari 6   हिंआ एक लाइनर केर रूपे देल जातेहे, संगी-साथी त’हरे जदि जे.एस.एस.सी केर तेआरि क’राला, चाहे पंचपरगनिया भासा केर प’ढ़ाइ क’राला त’ निचित रूपे इ एक लाइनर प’इंट गिला काम आइ। आसा आहे तोहरे स’उब लाभ उठाबा

Panchpargania Adhunik Sahityakar Ker Best Jankari  हरदेयाल पाण्डेय

• जनम – 7 अगस्त 1939, गंसाईडीह, बुंडू ।
• मरन – 2004 इसबिए ।
• बापेक नाम- खेतर’ मोहन, माएँक नाम – चामी देबी
• आंरभिक सिच्छा – काँची मिडिल इसकुल
• मेटरिक – लछमी नाराइन हाइ इसकुल बुंडू (एस.एस. हाइ इसकुल बुंडू/स्व. रमेश सिंह मुण्डा उच्च बिद्यालय बुण्डू) ।
• आई.ए., बी.ए. – बिहार केर पाराइभेट इनभरसिटि लेक ।
• सहायक सिच्छक रूपे जगदान – 1956 इसबिए, धनबाद केर खरनी गाँवे ।
• आघु जाए कहन जाए कहन हेडमास्टरे परम’सन हलक ।
• 1982 मेंहेन बुंडू केर पाराथमिक सिछक परसिछन महाबिद्दालये पाफेसर रूपे जगदान (परमसन)
• फेइर जमशेदपुरे सिच्छा उपाधीछक केर पदे 1994 इसबिए काम करलएँ । (परमसन)
• 1995 इसबि ले छेतरीय सिच्छा पदाधिकारीक रूपे काम करे लागलएँ । (परमसन)
• 1997 इसबिए सरकारी सेवा ले सेबानिबरित हलएँ ।
• 1989 मेंहेन पंचपरगनिया भासा बिकास समिति संग जुड़लएँ ।
• इमन केर पहिला आलेख (पंचपरगनिया भासाक) केर नाम – ‘‘पंचपरगनिया भासा के केसन लिखब, पढ़ब आर कहब’’ हेके जेटा बिहान पतरिका भाग – प्रथम अर्द्धाकं सन् 1994
• पंचपरगनिया भासाए इमन केर दुसरा आलेख – ‘‘भारतेक संस्कृति सुर, असुर आर राक्षस’’ हेके जेटा बिहान केर अंक 2,3 सन् 1998 मेंहेन छापाए आहे ।
• रामायन केर सात’ कांड के इमन जीबन केर सात सीढ़ी मानत रहएँ ।

Panchpargania Adhunik Sahityakar Ker Best Jankari पद्यम्श्री रामदयाल मुंडा

• ऽ जनम – 23 अगस्त 1939 इसबिए, दिउड़ी, तमाड़
• मरन – 30 सितंबर 2011
• बापेक नाम – गंदल मुंडा, माँएक नाम – लोकमा मुंडा ।
• आरंभिक सिच्छा – आमलेसा लुथरन मिशन इसकुल तमाड़ (1947-1953)
• माइधमिक सिच्छा – खूँटी हाई इसकुले (1953-1957)
• एम.ए. – राँची विश्वद्यिालय (1963) मानव विज्ञान ले ।
• पीएच0डी0 – शिकागो विस्स’बिदालय अमेरिका, 1963-1968 (भासा बिग्आने)
• मिनिसोटा बिस्सबिदालय केर साउथ एसिआइ अइधन बिभाग सहायक परफेसर केर रूपे 1981 तक अइधापन काम करलएँ ।
• 1982 इसबिए भारत घरलएँ ।
• कुलपति कुमार सुरेश सिंह केर सहज’गे राँची बिस्स’बिदालऐ ‘‘जनजातीय एवं क्षेत्रीय भाषा बिभाग’’ केर थापना करलएँ ।
• इटा से समइ केर कनइ भी बिस्सबिदालय केर पहिला आदिबासी भासा साहित केर बिभाग रहे ।
• पंचपरगनिया पइद साहिते रचना – 1. ‘‘तभु रे दैया मुरूखे रहली’’, 2. ‘‘सप्त सागर पारे’’
• पाइका नाच, छ’ नाच के बिदेस तक पहुँचाएक काम करलएँ ।
• पुरा संसारे ‘‘विश्व आदिवासी दिवस’’ मानायेक परंपरा सुरू करेक मेंहेन नामक’रा जगदान आहे ।
• इमन पंचपरगनिया, मुंडारी, नागपुरी, हिंदी, अंग्रेजी, भासाएँ ढेइर रकमेक गइद पइद रचना कइर आहएँ ।
• इमन हिंदी, संस्कृत, बांगला, अंग्रजी भासाएँ ढेइर रकमेक किताबे अनुबाद आर संपादन कर काम कइर आहएँ ।
• इमन केर दसटा लेक बेसी किताब आर पचास टा लेक बेसी निबंध परकासित हए आहे ।

• पेरेम बिहा 14 दिसंबर 1972 इसबिए, अमेरिकाएँ (हेजेल एन्न लुत्ज)
• भारत आल परे पेरेम बिहा टुटलक ।
• दसरा बिहा 28 जून 1988 इसबिए अमिता मुंडा संग हलक ।
• इमन केर बेटाक नाम गुंजन इकिर मुंडा हेके ।
• प्रतिकुलपति, राँची विश्वविद्यालय, राँची – 1985-1986
• कुलपति, राँची विश्वविद्यालय, राँची – 1986-1988
• आजसू पार्टी केर संबिधान लिखेक मेंहेन ज’गदान दे आहएँ ।
• इमन केर नामकरा कथन ‘‘जे नाची से बांची’’ हेके ।
• 2010 मेंहेन राइज सभा केर सद’इस मन’नित हलएँ ।
• 2010 मेंहनेइ पद्मश्री पुरस्कार ले सम्मानित हलएँ ।
• डाॅ0 रामदयाल मुंडाक संबंधे राजकिशोर सिंह लिख आहएँ –

रामदयालेक जीबनी सिराले नी सिराई ।
लिखते गेलक भिनु एकटा कितापे लिखाई
रामदयाल मुंडा हेकएँ देस केर नुमुद ।
चाँद राइजे जेसन फूइट उठेला कुमुद ।।

इन्हे भी देखें :-

• Panchpargania Test – 1
• Panchpargania Test-2
• panchpargania test – 3
• panchpargania tes – 4
• Panchpargania test-5
• Panchpargania Test -6
• Panchpargania Test-7
• Panchpargania Prakirna Sahit Ker Best Jankari
• पंचपरगनिया आधुनिक साहित्यकार
• Panchpargania Adhunik Sahityakar Ker Best Jankari 2
• Panchpargania Adhunik Sahityakar Ker Best Jankari 3
• Panchpargania Adhunik Sahityakar Ker Best Jankari 4
• Panchpargania Adhunik Sahityakar Ker Best Jankari 5

Panchpargania Adhunik Sahityakar Ker Best Jankari शक्तिधर अधिकारी

• जनम- 05 जनवरी 1940 इसबिए ।
• बापेक नाम रामश्वर दास, माँएक नाम – बिंदा देबी ।
• मेटरिक 1955 (बुंडू हाइ इसकुल ले)
• मास्टरी टेरनिंग 1959-61 (बुंडू)
• सिच्छक रूपे ज’गदान 1962 इसबिए, अइभासिक माइधमिक बिद्दालय बुंडू मेंहेन ।
• इमन साहित केर कहनी, निबंध, गीत, कबिता एमाइन विधाएँ रचना कइर आहएँ ।
• इमन केर लिखल रचना बिहान, आदिबासी, जनमानस पतरिका मेंहेन छापाए आहे ।
• बिहान मेंहेन इमन केर दुइटा निबंध छापाए आहे – ‘‘योग आर भक्ति’’ आर ‘‘शाकाहार केर महत्व’’
• गइद-पइद जहड़न किताबे ‘दुख’ कबिता छापाए आहे ।
• नोकरिक संगे-संगे इमन 1967 इसबिए आइ0ए0 आर 1981 इसबिए बी0ए0 पास करलएँ ।
• पंचपरगनिया भासा बिकास समिति मेंहेन इमन तीन धाँव क’साअधछ पदे रहएँ ।
• इमन सतरंज, फुटबाॅल खिलाड़ी आर एकटा जादुगर’ हेकएँ ।
• सरकारी सेवा ले 2000 इसबिए सेबानिबिरत हलएँ ।

सारांश Panchpargania Adhunik Sahityakar Ker Best Jankari

इ आरटिकल टा केसन लागलग जरूर कमेंट करबा। एसने बेस-बेस परीछा उपजगि आरटिकल पढ़ेक तेहें हामरेक बेबसाइट टाके र’जे भिजिट क’रबा। एकर अलावा पंचपरगनिया भासा संबंधी केसन जानकारी चाहाला उटाकउ कमेंट केर दाराए बताबा। लेगे सउब के जोहार कर’तिहि।