Panchpargania Lok Geet Me Alankar :- जोहार संगी-साथी, जदि तहरे पंचपरगनिया भासा केर पढ़ाइ कराला चाहे जे.एस.एस.सी. चाहे JPSC चाहे झारखंड केर कन’ अइन प्रतियोगिता परीक्षा केर तेआरि कराला त हामरेक Panchpargania Lok Geet Me Alankar जरूर पढ़ा । इटाएँ Panchpargania Lok Geet केर जानकारी बहुत सुंदर भाभे देल जातेहे। जोहार लेगे।
Table of Contents
अंलकार केर अरथ’ :-
अलंकार दुइ सब्द’ ले मेइस कहन ब’इन आहे – अलम आर कार । अलम केर अरथ’ ह’एला आभुसन/गहना । जेसन भाभे एकटा बेटिछुआ आपन संुदरता बाढ़ाएक तेहें नाना रकम केर ग’हनाक बेब’हार करेला, तेसन भाभे भासा साहित मेंहेन सुंदरता आनेक तेहें अलंकार केर बेब’हार करल जाएला ।
Panchpargania Lok Geet|पंचपरगनिया ल’कगीत केर परिभासा :-
गांअ केर असिखित जन समुदाए ह’उन चाहे पढ़ल लिखल हंुसिआर, उमन केर दाराएँ मउखिक परंपरा ले जन गित गिला गितकाल जाएला से गित गिला ल’कगित हेके । मानुस जखन सुख चाहे दुख माहान बहुत बेसि खुसि चाहे बहुत बेसि दुखि हएला तखन आपन मन केर भितर ले जे भाअ गितेक दाराए अभिबेएक्त’ करेला सेटाइ ‘‘ल’क गित’’ हेके ।
Panchpargania Lok Geet|पंचपरगनिया ल’कगीत मेंहेन अंलकार :-
Panchpargania Lok Geet|पंचपरगनिया ल’कगित माहान अलंकार केर चमक-दमक बहुत कम मातराएँ आहे, कहल जाए पाराए कि जेसन गांअ बेटेक बेटिछुआ अल्प’ आभुसन पिंध के आपन स’भा बाढ़ाएँला असने इ गित गिलाहुँ अल्प’ अलंकार ले सहज साधारन स’भा हए आहे । इगलाएँ अलंकार केर मातरा बेसि त’ नेखे किंतु जेतनाइ आए आहे उगलाक महत बहुत बेसि आहे । इगलाक दाराएँ इ गित गिलाक र’चकता आर मधुरता बाइढ़ जाए आहे, संगे-संगे इ गित गिलाक अरथ’ टाउ बदलि जाएला । इग्लाक अइधन करले पाता चलेला कि इ गित गिलाक जे गेआत चाहे अइगात र’चिएता रहंए उमन केर केसन बाक् पटुता रहे ।
Panchpargania Lok Geet|पंचपरगनिया ल’क गित अलंकार इ रकम आहे :-
छेकानुपारास :-
अनेक बेंजन केर एक बार सरूप आर करम ले हल आबिरति टाके छेकानुपारास कहल जाएला । पंचपरगनिया केर ल’कगिते एकर निमुद हिंदे-हुंदे छितराल आहे । एकटा निमुद देखल जाए –
करिल’ बाँसा केरि रे डालिआ ।
डालिआ नउए नउए जाए रे ।।
हिंआ पहिलुक डांड़िं ‘क’ आर ‘र’ केर आर दसरा डांड़िं ‘न’ ‘उ’ आर ‘ए’ केर सरूप आर करम ले आबिरति हए आहे अहे तेहें हिंआ छेकानुपारास अलंकार आहे ।
बिरितिआनुपारास :-
जदि एक बेंजन केर एक बार चाहे अनेक बार, अनेक बेंजन केर एक बार चाहे अनेक बार सरूप मेंहेन चाहे अनेक बेंजन केर अनेक बार सरूप आर करम मेंहेन आबिरति ह’एला त’ बिरितिआनुपारास ह’एला । पंचपरगनिया मेंहेन एसन निमुद आनखाइ देखे पाउआएला –
दना-दना मदपिबे हिलउ कानेक स’ना ।
बाँध-बाँधिले बंधु ना बाँधिले घाट ह’ ।
टुसु-टुसु करि आमरा टुसु नांइजे घरे ग’ ।
काकर डरे करम राजा गांअ बाहराले ।
उपमा अलंकार :-
उपमा केर अरथ’, एक बस्तु केर पासे दसर बस्तु के राइख कहन अकर समानता देखाल जाएला । एकर एकटा निमुद इ रकम आहे –
एरे, टुटल खटिआ फुटल भर’सि
सुतल कुकुर समान’ रे ।
हिंआ टुटुल खाइट आर फुटल भरसिक तुलना सुतल कुकुर संग करल जाए आहे । एहे रकमे आर’ एकटा निमुद देखल जाए पाराए –
किस्न’ काल’ राधिका भाल’
जेमन पुरनिमा चांदेर आल’ ।
हिंआँ राधिका केर रूप-संुदरइ केर तुलना पुरनिमाक चांद संुदरइ संगे करल जाए आहे
रूपक अलंकार :-
एकटा जिनिस केर संगे दसर जिनिस के एसन राखना कि दुइअ’ टाएँ कन’ फरक नि जानाए । एहे टाकेइ रूपक कहल जाएला । एआनि जाहाँ उपमेए आर उपमान मेंहेन कन’ अंतर नि रहेला, दुइअ’ के एक कइर देल जाएला । पंचपरगनिया मेंहेन एसन निमुद सामाइन’ भाभे देखल जाएला कहेक मतलब पंचपरगनियाए सरल रूपक केर निमुद देखल जाएला –
तहें जे हेका भाला बर कुंअर’ ह’
हामे हेकी कनेआ कुंअर’ ।
उतपेरेछा अलंकार :-
जाहां कहल काथाएँ नि कहल केर संभाअना ह’एला, उतपेरेछा अलंकार कहल जाएला । जेसन –
गग’नेते चाँद उइठे छे
चाँद बठे न मानुस बठे ।।
बिप्सा :-
आदर, अकबकि, आसचरज’, घिरना, र’चकता एमाइन देखाएक तेहें कन’ सब्द’ के द’हराना बिप्सा अलंकार कहल जाएला । पंचपरगनियाए एसन निमुद भरमार आहे । जेसन-
बछरि-बछरि माएँ ग’, करमे का राइत ग’
काहाँ पाउबे मरल’ मानुस ग’
देहु-देहु करम राजा देहु आसिस ।
हेला भाला हेला भाला कन’ ह’ नदि केरा माछजे ।
छि छि छि लके बइलबेक कि ।
हिंआ पहिला आर दुसरा गिते ‘बछरि’ आर ‘देहु’ सब्द’क आबिरति करम राजाक तेंहे आदर देएक तेहें करल जाए आहे । तिसरा गिते ‘‘हेला भाला’’ केर आबिरति रूचिकर केर तेहें आर चउथा गिते ‘छि’ के आबिरति घिरना सुचक हेके ।
इन्हें भी पढ़ें :-
- पंचपरगनिया आधुनिक साहित्यकार
- Panchpargania Adhunik Sahityakar Ker Best Jankari 2
- Panchpargania Adhunik Sahityakar Ker Best Jankari 3
- Panchpargania Adhunik Sahityakar Ker Best Jankari 4
- Panchpargania Adhunik Sahityakar Ker Best Jankari 5
- Panchpargania Adhunik Sahityakar Ker Best Jankari 6
- Panchpargania Adhunik Sahityakar Ker Best Jankari 7
- Panchpargania Adhunik Sahityakar Ker Best Jankari 8
Panchpargania Lok Geet सारांश
इ रकम इ अलंकार गिलाएँ पंचपरगनिया ल’क गितेक काइब संुदरइ फरिच ह’एला । पंचपरगनिया ल’क गिते अलंकार कम मातराएँ आहे किंतु आधुनिक साहिते अलंकार भरपुर मातराएँ आहे । ल’क साहित पुरना बुढ़ा पुरखा ल’गेक बहुत बेसि सुख दुख सम’इए बाहराल भाअ हेके, इमन के अलंकार केर अतरा गेआन नि र’हे अहे तेहें पंचपरगनिया ल’क गिते अतना अलंकार नि देखे पाउआएला ।
इन्हें भी पढ़ें :-
UGCNET TRL की जानकारी के लिए निचे दिए गए लिंक पर क्लिक करें