Panch Parganak Paramparik Baj Bajna Ker 1 Ta Best Jankari

Panch Parganak Paramparik Baj Bajna :- जोहार संगी-साथी, जदि तहरे पंचपरगनिया भासा केर पढ़ाइ कराला चाहे जे.एस.एस.सी. चाहे JPSC चाहे झारखंड केर कन’ अइन प्रतियोगिता परीक्षा केर तेआरि कराला त हामरेक Panch Parganak Paramparik Baj Bajna जरूर पढ़ा । इटाएँ Panch Parganak Paramparik Baj Bajna केर जानकारी बहुत सुंदर भाभे देल जातेहे। जोहार लेगे।

20221223 094441 — Panch Parganak Paramparik Baj Bajna

Table of Contents

Panch Parganak Paramparik Baj Bajna :- पांच परगना छेतर’ केर पारंपरिक बाज-बाजना

झारखंड, पांच परगना आर कला संसकिरति इ तिनों एकटा गाछ समान हेके । जेसन जेइर, डाइर आर पात । पांच परगनाक गीत आर नाच सासतिरिअ त नेखे, तबे सभे रकम केर आनंद पाउआएला । जे गिला सत’ समइए मानुसेक मन केर रिझ के बनाए राखेला ।

इ छेतरक नाच माहने नाचनी नाच, करम नाच, नटुआ नाच, छअ नाच, डमकच, रास, पुस, संहरइ एमाइन आहे । नाचनी नाचे झुम’इर संगीत हएला । नाचनी नाचे घन’ बाजा नागड़ा, ढोल, सहनइ, बांसी, झुन-झुना, घंुघरू एमाइन बाज-बाजना लेक सुंदर ताले नाच हएला । झुम’इर संगीते सासतिरिअ केर पाला गितकाल जाएला ।

पांच परगनाक संगीत संसारे गीतेक संगेक बाज-बाजनाक बेजाइन महत आहे । पंचपरगनिया ल’क संसकिरितिए एसन कनइ गीत नेखे जे बिना बाज-बाजनाएं रीझ ह’इ बा नाच हइ । बाज-बाजनाइ त’ गीतेक पारान हएला ।

पांच परगना छेतरेक खासिअत आहे जे हिंआ केर लग जखन गरू छागेइर ले कहन चाराए बाहराएनला तखन उमनेक हांथे सं’टि, ठेंगा ना हएकहन बांसी, मुरली, तिरिअ ह’एला जेटालेक चारवाहा आपन गाइ-गरू के देख’एँला । बांसीक मधुर आउआज लेक गरू-छागेइर’ भेदाए कहन चर’एँला ।

हिंआक बाज-बाजना बेजाइने पुरना जानाएला । बाज-बाजना हिंआक आदिबासी-सदान केर सांसकिरितिक रूप हलक । हिंआक गीत-संगीते ढ’ल, नागड़ा, बांसी, पेंपती (संहनइ) एमाइन गीतेक पारान क’हाएला । इगलाक बिना पंचपरगनिया संगीत केर आनंद अधुराइ आहे ।

बाज-बाजनाक सिइखा हिंआक आखड़ा, धुमकुड़िआ, गितिअ’ड़ाएँ पाउआएला । पांच परगना छेतरे बेटिछुआ बाज-बाजनाक परज’ग निहिंक ब’राबइर कर’एँला । मिंतुक मएँ रउर केर पासे एकटा उदाहरन देके मिसाल पेस करे चाहतं, पांच परगनाक तमाड़ थानाक आमलेसा गांउएक आसरिता टुटी एकटा एसन नाम (बेटिछुआ कलाकार) रहएँ जे सउब मरजादा के छिन-भिन कइर कहन आपन खांधे भारी भरक नागड़ा के उइभकहन आपन कला केर परदरसन आखड़ाँए करतएँ ।

20221223 094441 2 — Panch Parganak Paramparik Baj Bajna

इन्हे भी देखें :-

Panch Parganak Paramparik Baj Bajna :- पांच परगना छेतर’ केर पारंपरिक बाज-बाजनाक भाग

पांच परगनाए बाज-बाजना के तीन भागे बाँट करे पारि । आर तीन परकार केर बाज-बाजनाक मेल लेकेइ पुरा पंचपरगनिया बासी केर आत्मा ब’इस आहे । हिंआ मुइख रूपे ढल, ढाक, नागड़ा, करहा, टुहिला, बांसी, सहनाइ, भेंइर, कुड़ुधुतु एमाइन आहे । हिंआक नाचे बेसि भाभे एहे लाकरे बेब’हार करल जाएला ।

Panch Parganak Paramparik Baj Bajna :- मुइख भाग

पांच परगनाक बाज-बाजना के मुइख रूपे तीन भागे बाँटल जाए आहे –

तंतर’, तंतरी बा तात बाज-बाजना ।
सुसिर, सेखर बाजना ।
ताल बाज-बाजना
क. अउनध बाज-बाजना (चामेक ब’नाल)
ख. घन बाज-बाजना (धातु लेक ब’नाल)

1. तंतर’, तंतरी बा तात बाज-बाजना :-

इगला एसन बाजना हेके जेगिला रेसम केर डरि, तांत, लाहा, तांबा बा पीतल धातु केर तार बांधल रहेला । इटाकेर’ दुइटा भाग आहे –

क. पहिल बरगेक बाजनाए रेसम केर पातला डरी, तांत बा धातु केर तार के हांथेक आंगुरे, ग’जा काठी, चाहे इसटाराइकर ले बाजाल जाएला । जेसन – ट’हिला, गुपी जंतर’, एकतारा एमाइन ।

ख. इ बरगेक बाजाए तार केर हेंठे जानवरेक चाम कसल जाएला । आर तार के घ’ड़ाक पुँइछेक चुइल लेक बनाल धेनुक के रेइत कहन बाजाल जाएला । इ धेनुक टाके ‘गज’ कहल जाएला । जेसन – केंदरा ।

इन्हे भी देखें :-

20221223 094441 1 — Panch Parganak Paramparik Baj Bajna

2. सुसिर, सेखर बाज-बाजना :-

इगला एसन बाजना हेके जेगिला के मुंहे फुंइक के बाजाल जाएला । आर फुकल बादे मधुर सुर बाहराएला । इगलाक मइधे मुइख रूपे बांसी, मुरली, म’हन बांसी, तिरिअ, सहनाइ, भेंइर एमाइन हेके ।

3. ताल बाज-बाजना :-

इगलाक भितरे असन बाज-बाजना गिला आएला जेगिला के ठंइक-पिट कहन चाहे हिलाए कहन बाजाल जाएला आर इगलाक मइधे कन’-कन’ टा डबल भारिअ रहेला । ठंकेक तेहें खाड़ि केर बेब’हार करल जाएला । कन’-कन’ बाजा के दुइअ हांथे खाड़िंग पीटकहन बाजाल जाएला आर कन’-कन’ बाजा के एक बाटे ले हांथे त’ एक बाटे खाड़िंग पीटल जाएला । एसन बाजा गिला के दुइ भागे बांटल जाए आहे –

क. अउनध बाज-बाजना (चामेक ब’नाल) :-

इ बरगेग बाजा गिला कन’ जानवर केर चाम के काठेक बनल कन’ बिसेस आकिरति मेंहेन छारल जाएला आर ब’नाल जाएला जेसन – नागड़ा, ढ’ल, ढाक, ढ’लकि, घुमसा, टमक, मांदइर एमाइन ।

UGCNET TRL की जानकारी के लिए निचे दिए गए लिंक पर क्लिक करें

ugcnettrl

ख. घन बाज-बाजना (धातु लेक ब’नाल) :-

इ बरगेग बाजा गिला के कन’ बिसेस परकार केर धातु ले ब’नाल जाएला आर इगला के कन’-कन’ टाके दुइअ हांथे रगड़ि कहन चाहे गड़े बांइध कहन बाजाल जाएला । जेसन – च’ड़च’ड़ि, झांझ, ठेंचका, घंटी, रेगड़ा, झुन-झुनी, घुँघरू, रामकाठि एमाइन एमाइन ।

Panch Parganak Paramparik Baj Bajna :- सारांश

इ रकम पॉँच परगना छेतर’ मेंहेन बाज-बाजना केर बिसेस महत आर हरेक नाच-गान माहान बाइद जंतर’ केर नामजादि महत देखे पाउआएला । कन’ संसकार जेसन बिहा संसकार, मरन संसकार, कान बिंधना संसकार, चाहे कन’ नाच जेसन करम नाच, छ’ नाच, नाचनी नाच, बाइ नाच, रास नाच, पुस नाच, नटुआ नाच, डमकच नाच हउक चाहे कन’ किसिम केर नाच हउक सउब मेंहेन बाज-बाजना केर उपजग आर बिसेस महत देखाएला|

हिंआ तक कि पुजा-पाठ मेंहेनउ इ छेतर’ केर ल’ग बाज-बाजना कर बेब’हार करबे कर’एँला । आर त’ आर छागेइर गरू चाराएक सम’इअउ हिंआक ल’ग बाज-बाजना के नि छाड़’एँला । इ भाभे बाज-बाजना केर बेब’हार केर ढांगा परंपरा देखाएला ।

इन्हें भी पढ़ें :-