पंचपरगनिया सरब’नाम केर चिन्हाप | Panchpargania Sarvanam Ka Pahchan

पंचपरगनिया सरब’नाम केर चिन्हाप | Panchpargania Sarvanam Ka Pahchan | पंचपरगनिया सर्वनाम की पहचान :-

सरब’नाम केर अरथ’ | सर्वनाम का अर्थ

सरब’नाम केर साब्दिक अरथ’ हेके – सरब’ (सउब) नाम (संइगा) इआनि सरब’ (सउब) नाम (संइगा) केर बदले जे सब्दक बेब’हार करल जाएला उके सरब’नाम कहल जाएला । इआनि संइगाक जाएगाएँ अकर अउजि रूप मेंहेन जन सब्दक बेब’हार करल जाएला उटाके सरब’नाम कहल जाएला ।

सरब’नाम केर बेब’हार

संइगा अहे चिज – बस्तु टाकरे ब’ध कराएला जेटा अकर नाम हेके, किंतु सरब’नाम मेंहेन पहिलुक संबंध अनुजाइ कन’इ भि बस्तु केर ब’ध कराएला, बेटा छुआ कहले सिरिफ बेटाछुआ केरे ब’ध कराएला कन’ पसु – पखि केर निहिं । किंतु ‘‘उ’’ कहले पहिलुक संबंध अनुजाइ कन’इ भि बस्तु केर ब’ध हए पारेला ।

इसे भी पढें –

• पंचपरगनिया भासाक (Panchpargania Bhasha) सामाइन’ चिन्हाप
• पंचपरगनिया भाषा का नामकरण
• पंचपरगनिया भासा का जन्म / उद्भउ

सरब’नाम केर गुन

बाइक मेंहेन सरब’नाम केर बेब’हार ना हए, ता हले एके सब्द’ केर ढेइर धं आबिरति, पास – धुर ब’ध केर अभाब, आदर – अनादर ब’ध केर अभाब, निस्चए – अनिस्चए ब’ध केर अभाब एमाइन जाला ह’इ । आर एसन टाँए बाइक मेंहेन संुदरता टा नस्ट’ ह’ए जाइ । इ रकम सरब’नाम कन’ सब्द’ के साराधं कहेक द’स ले बांचाएला । इ भाभे कहल जाए पाराए कि सरब’नाम केर बेब’हार करले भासा इस्पस्ट’, परबाह आर अलंकिरित हए जाएला ।

सरब’नाम केर भेद | सर्वनाम के भेद

पंचपरगनिया सरब’नाम केर छ’ टा भेद आहे –

1. पुरूस बाचक सरब’नाम –

जन सरब’नाम ले पुरूस एआनि गलफ’ एआ लिखेक सम’इए कह’इआ, सुन’इआ चाहे जेकर बारे कहल जाएला, इटाक गेआन हएला, अके पुरूस बाचक सरब’नाम कहल जाएला । एकर तिन टा भेद आहे –

उ उमन/उमने/उमरे रउरे (आ.सु.) रउर मन/रउर सउब (आ.सु.) उतम पुरूस आर मइधम पुरूस के छ’इड़कहन सरब’नाम केर आर’ ज’तराइ भेद आहे, उगला सउब अइन’ पुरूस सरब’नाम केर हेके । उतम आर मइधम पुरूसे किबल पुरूस केर बदलि आएला बाकि सरब’नाम गिला पुरूस केर आलाउआ अइन’ जाइत, जिब - जंतु केर तेहंउ बेब’हार करल जाएला, अहे तेहें उतम पुरूस आर मइधम पुरूस केइ पुरूस बाचक सरब’नाम कहल जाएला । एसे त’ सभे सरब’नाम पुरूस बाचक कहल जाएला, काहेकि इगला ले बेआकरन केर पुरूस केर ब’ध हएला । किंतु दसरा सरब’नाम ले उतम आर मइधम पुरूस केर ब’ध नि हएला, अहे तेहें उतम आर मइधम पुरूसे परधान पुरूसबाचक सरब’नाम हेके बाकि सरब’नाम गिला अपरधान पुरूस बाचक हेके ।

2. निसच’ए बाचक सरब’नाम –

जन सरब’नाम ले कन’ निसचित ल’ग चाहे चिज बस्तु केर गेआन हएला उगला के निस्चएबाचक सरब’नाम कहल जाएला । पंचपरगनिया मेंहेन एकर तिन अस्तर आहे – पासेक तेहें – इ, तनिक धुरेक तेहें – उ, एकर ले बेसि धुरेक तेहें – हाउ ।

जेसन –

हिंआ निस्चए टाके बल देएक तेहें ‘‘टा’’ सब्द’ ज’ड़ल जाएला ।

3. अनिस्चए बाचक सरब’नाम –

जन सरब’नाम ले कन’ निस्चित ल’ग चाहे चिज बस्तु केर ब’ध नि हएला उटाके अनिस्चए बाचक सरब’नाम कहल जाएला । पंचपरगनिया मेंहेन केउ, कन’, के, केकर’, केकउ एमाइन अनिस्चए बाचक सरब’नाम हेके ।

जेसन –

• केउ दकान जाउन ।
• दकाने कन’ नेखे ।
• कन’ लग उठिन ठाड़ आहे ।
• कन’ छुआ बांधे डुबलक ।
• के उठिनटा ठाड़ आहे ।
• केकर’ डट उठिन गिर आहे ।
• मामा घर केकउ हले जाए ह’इ । एमाइन

4. परस्न’बाचक सरब’नाम –

परस्न’ करेक तेहें जन सरब’नाम केर बेब’हार करल जाएला, उगला के परस्न’बाचक सरब’नाम कहल जाएला । पंचपरगनिया मेंहेन परसन’ बाचक सरब’नाम के, केकर, का, कन, केसन, एमाइन हेके ।
सामाइन’ रूपे पंचपरगनिया मेंहेन मानुस केर तेहें के, केकर, के – के, आर छटे – छटे जीउ आर चिज बस्तुक तेहें का केर बेब’हार करल जाएला ।

जेसन –

• मानुस केर तेहें – के खालक ?
• के नाहातेहे ?
• केकर भेड़ा हेके ?
• के – के लिखला ?
• केकर ठिन जाए र’हिस ? एमाइन ।
• छटे – छटे जीउ , चिज बस्तुक तेहें चाहे कन’ काथा पुछेक तेहें –
• इटा का जीउ हेके ?
• का खाबे ?
• इटा का हेके ?
• का जिनिस राखल आहे ?
• का कहले ?
• का गिला कहिस्ला ? एमाइन ।
• ‘‘केसन’’ सब्दक बेब’हार कन’ लग, जीउ – जंतु, चिज – बस्तु एमाइन केर भाउ, बिसेसता केर बारे परस्न’ पुछेक तेहें करल जाएला,

जेसन –

• उ केसन धाराक लग हेके ?
• बकलिटा केसन रंगेक आहे ?
• तिअनटा केसन लाग’ तेहे ?
• उ बेटिछुआटाक चाइल – चलन केसन आहे ?
• इ आम गिलाक सउआद केसन आहे ?
• ‘‘कन’’ केर बेब’हार मानुस, छटे – छटे जीउ आर चिज बस्तु तिन’ केर तेहें करल जाएला । जेसन –
• कन लग हेके ? तहरे कन गांउ केर हेका ?
• कन गाइटा दुधारू हेके ? कन गाछटा गिरलक ?
• कन लगटा लेड़हा हेके ?
• कन कंठर टा पाकलक ?

इसे भी पढें –

• पंचपरगनिया भासाक (Panchpargania Bhasha) सामाइन’ चिन्हाप
• पंचपरगनिया भाषा का नामकरण

5. निज बाचक सरब’नाम –

जे सरब’नाम निजेक चाहे आपने आप टाकेर ब’ध क’राएला उके निज बाचक सरब’नाम कहल जाएला । पंचपरगनिया निजबाचक सरब’नाम आपने, खुद, निजेइ, आपन हेके ।

जेसन –

• आपने – मएँ आपने लिखलँ ।
• खुद – मएँ खुद जाए रहँ ।
• निजेइ – कन’ काम निजेइ करले बेस ।
• आपन – आपन सामान ज’गाए के राखले बेस ।

6. संबंध बाचक सरब’नाम –

जन सरब’नाम ले कन’ संइगा केर संबंध जाहिर हएला, उटाके संबंध बाचक सरब’नाम कहल जाएला । पंचपरगनिया केर संबंध बाचक सरब’नाम जे – से/उ/ते, जेटा – सेटा, जे गिला – से गिला, जन टा – तन टा एमाइन ।

जेसन –

• जे खाटि से/उ/ते चाटि ।
• जे पढि़ से/उ/ते पास करी ।
• जे आइ से/उ/ते पाइ ।
• जे चाँड़े आइ से/उ/ते पाइ ।
• जे आम गिला पाकलक से गिलाके पाड़ा ।
• जन टा गिरलक तन टाके फेंका ।
• जेटा पचलक सेटा के फेंका ।

बिसेस काथा –

पंचपरगनिया मेंहेन ‘‘रउरे’’ केर बेब’हार आदर देएक तेहें करल जाएला, किंतु एके आलेदा रूपे आदर सुचक सरब’नाम नि मानल जाएला । इटाके पुरूस बाचक सरब’नाम केर भितरेइ राखल जाएला ।