Panchpargania Bhasha Ka Parichay| Jharkhand Ka 1 Best Regional language

Panchpargania Bhasha Ka Parichay :- पंचपरगनिया भासा झारखंड केर एकटा नामकरा छेतरिअ भासा हेके। इटा छेतर’ बिसेस केर भासा हेके आर इकर जनम (उत्पत्ति) केर संबंध झारखंड राइज केर राजधानि छेतर’ केर आस – पास (बिसेस कइर कहन पुरूब छेतर’) ले आहे।

पंचपरगनिया भासा केर सामाइन’ चिन्हाप (Panchpargania Bhasha)

पंचपरगनिया झारखंड केर एकटा नामकरा छेतरिअ भासा हेके। इटा छेतर’ बिसेस केर भासा हेके आर इकर जनम (उत्पत्ति) केर संबंध झारखंड राइज केर राजधानि छेतर’ केर आस – पास (बिसेस कइर कहन पुरूब छेतर’) ले आहे। परसासनिक नज’इरे इ भासा टाके झारखंड मेंहेन दितिअ राजभासा ब’नेक गउरब साल 2011 इसबिए मिल आहे।

इ भासा टाकेर आपन ल’क साहित केर भांड़ार आहे आर लिखित रचित साहित’ आहे जेटा एखनुक साहित केर अनेक बिधा मेंहेन देखल जाए पाराए। इ रकम कहल जाए पाराए कि पंचपरगनिया भासा केर आपन आलेदा नामक’रा संसकिरिति आर भरिआल ल’क साहित आहे।

सिछाक नज’इरे पंचपरगनिया भासा (Panchpargania Bhasha)

सिछाक नज’इरे इ भासा टाकेर पढ़ाइ – लिखाइ झारखंड केर ढेइर – ढेइर इसकुल कलेजे लगभग चाइर दसक ले ह’तेहे। एकर पढ़ाइ – लिखाइ उंच’ कालास ले सुरू हए आहे आर इसकुल असत’रे झारखंड इस्थापनाक (बनल) बाद ले गाए सुरू हलक। झारखंड बनल बाद ले सराकारि तंतर’ मेंहेन एकर पकड़टा बाढ़लक आर ‘‘झारखंड लोक सेवा आयोग’’ आर राइज के अइन’ सेउआ मेंहेन भरति ह’एक तेहें भिनु-भिनु परिछाएँ इ भासा टाके आपन भागेक माइन देल जाए आहे।

प्रतियोगिता परीक्षा के दृष्टिकोण से पंचपरगनिया भासा (Panchpargania Bhasha)

जेसन झारखंड पुलिस बाहालि, झारखंड सिछक पातर’ता परिखा, झारखंड करम’चारि चइअन आइअग एमाइन।
पंचपरगनिया भासा केर पठन – पाठन देवनागरी लिपि मेंहेन ह’ए लाइग आहे। एकर आपन आलेदा लिपिअ आहे जेकर नाम ‘झाड़ लिपि’ हेके। आर एकर गढ़’इआ डाॅ. करम चंद्र अहीर जि हेकएँ। किंतु इटाक बेब’हार नेखे। इ भासाटाकेर आपन लिखेक सइलि, आपन भासागत, धउनिगत आर बेआकरनिक बिसेस बिसेता आहे।

पंचपरगनिया भासा का क्षेत्र विस्तार

इ भासा टाकेर बेब’हार ना किबल झारखंड तके आहे बलकि झारखंड केर बाहिरउ संपरक’ भासाक रूपे बेब’हार करल जाएला। बिसेस कइर कहन पछिम बांगाल, उडि़सा आर आसाम एमाइन राइज मेंहेन करल जाएला। इ रकम पंचपरगनिया भासा अनेक नज’इरे सक्त’ देखाएला।