Panchpargania Bhasa Ker Best Bisesta 2

Panchpargania Bhasa Ker Best Bisesta 2 केर भितरे हामरे देखब कि पंचपरगनिया भासा टा आर’ अइन’ भासा ले का रकम आलेदा आहे। इ आलेख टाएं किबल पंचपरगनिया भासा केर भासागत बिसेसता केरे चरचा करल जातेहे।

Panchpargania Bhasa Ker Best Bisesta ker Jankari भासागत बिसेसता

दुनिआ केर हर भासा मेंहेन कन’ न’ कन’ बिसेसता पाउआल जाएला । भासागत बिसेसता केर भितरे असन बिसेसता गिला के राखल जाएला, जेगिला कन’ भासा केर सामाइन’ बिसेसता हएला । इटाएँ धउनिगत, बेआकरनगत बिसेसता ले आलेदा बिसेसता गिला के राखल जाएला ।

• पंचपरगनिया आकार परधान भासा हेके । इ भासा टाएँ आकार केर लछन बेसि देखाएला । हालाँकि हर भासा मेंहेन आकार केर परधानता आहे किंतु अइन’ भासाक तुलना मेंहेन इ भासा टाएँ आकार आउला सबद’ बेसि देखाएला । जेसन –

सुरू आछर मेंहेन आकार –

आएक, जाभड़, राखा, पागुर, काढ़ानि, बाढ़िन, आड़ास, कामिआ, खामचा, ढामना, खाइट, खापरा, टाँगा, ढाँगा, खाच’ड़ एमाइन ।

मांझेक आछर मेंहेन आकार –

लताल, मनगुमान, गादाल, उचराल, तफाइत, नाभान, खाचड़ाहा, बहाड़, धाराक, चाटाइन, तपाल, हटाइत, चटकाल, उड़िंआल, ढेनाहा, कदाइर एमाइन ।

आखरि आछर मेंहन आकार –

पिठा, चारका, ढड़ा, टंड़रा, खाड़रा, खापरा, पिंढ़ा, लाठा, केरिआ/कारिआ, नुड़ा, माचा, कादा, बाड़ा, खाड़ा एमाइन ।

• Panchpargania Bhasa Ker Best Bisesta हिंदी भासा केर असन सबद’ जेगिला पंचपरगनियाए बेब’हार करल जाएला उगलाकउ आपन धउनितंतर’ केर अनुजाइ आकार देक’हन बेब’हार करल जाएला । जेसन – अक्षर – आछर, गधा – गाधा, इधर – इधार, उधर – उधार, रख – राख, अदरक – आदा, अब – एबार, चख – चाख, हल – हार, जगना – जागना, कप – काप, मना – माना, कचड़ा – काचड़ा, पंखा – पांखा, पत्थर – पाथर/पाखना, कल – काइल, भला – भाला, कमाई – कामाइ, झगड़ा – झागड़ा एमाइन ।
• पंचपरगनिया बाइक रचना मेंहेन कांहु – कांहु बिभ’क्तिक जाएगाएँ परत’ए (प्रत्यय) केर बेब’हार करल जाएला किंतु अरथ’ मेंहेन कन’ अन्तर नि हएला । इ रकम पंचपरगनिया मेंहेन बिभ’क्ति आर परत’ए दुइअ केर बेब’हार देखे पाउआएला । जेसन –

1. उ खाए केर तेहें गेलक ।
   उ खाएक तेहें गेलक ।
2. राम राबन के बान मेंहेन मारलक ।
   राम राबन के बाने मारलक ।
3. उमने गहम पिसाएक तेहें साइकिल मेंहेन गेलएँ ।
   उमने गहम पिसाएलाए साइकिले गेलएँ ।
4. मएँ डट ले लिख’ना ।
   मएँ डटे लिख’ना ।

Panchpargania Bhasa Ker Best Bisesta पंचपरगनिया सब्द’ केर गढ़’ने तिन रकमेक परत’ए (उपसर्ग/प्रत्यय) बेब’हार करल जाएला, जेगिला सुरूएँ मांझे आर आखिरे तिन’ जाएगाएँ करल जाएला । जेसन –

सब्देक सुरूएँ –

अ + काल = अकाल, अ + समइ = असमइ, अ + जान = अजान
अन + ठेकान = अनठेकान, उ + चार = उचार, अउ + गुन = अउगुन,
आप + सुखि + ए = आपसुखिए एमाइन ।

सब्देक मांझे –

दान + अ = दाअन, जल + आ = जआल, छुरि + आ = छुआरि
आड़ + इ = आइड़, जन + ख = जखन, कन + ख = कखन
चिरल + क = चिरकल, भिड़ल + क = भिड़कल, बाला + क = बाकला
रास + क = राकस एमाइन ।

सब्देक आखिरे –

काड़ा + अआर = काड़अआर, बाप + अउति = बापउति
पुरखा + अउति = पुरखउति, माछ + उआ = माछुआ
फाउग + उआ = फागुआ, आंक + उआरि = आंकउआरि
आप + उस = आपुस । एमाइन

• Panchpargania Bhasa Ker Best Bisesta पंचपरगनिया भासा मेंहन खेति – किसानि ले पाउआइआ कहतुक एसन आहे जेगिला ढेइर – ढेइर बछर केर अनुभउ ले सिखल आहे, इग्ला एसन आहे कि एखनुक मउसम बिग्आन केउ फेल क’रि । एखनुक मउसम बिग्आन बेसि – ले – बेसि चाइर चाहे पाँच दिन पहिलुक जानकारि देला किंतु पंचपरगनिया भासा मेंहेन पाउआइआ कहतुक (जेगिला बहुत लांबा समइएक अनुभउ ले सिखल गेआन केर भांड़ार हेके) गिलाएँ भबिस’ते हउअ’इआ छ’ महिना पहिलुक जानकारि देला जेसन – ‘‘मकरे बान टिकरे धान’’ कहेक मतलब हेके कि जदि मकर दिन बुंदा – बांदिअ पानि गिरालक त’ किसान बुइझ जाएला कि इ बछर बेस बइरसा गिराइ । एहे रकमे ‘‘पासे मांड़ेइर धुरे पानि, धुरे मांड़ेइर पासे पानि’’ कहेक मतलब चाँद केर पासे मांड़ेइर (बादेइर केर ग’ल) घेराल आहे त’ पानि धुरे आहे इआनि चांड़े पानि गिराएक लछन ना लागे । हुंआइ मांड़ेइर चाँद केर धुरे आहे त’ पानि पासे आहे इआनि एक दुइ दिने पानि गिराएक संभाउना आहे । इ रकम भाभे किसान के खेतिक काम करेक तेहें मदद मिलेला ।
• पंचपरगनिया भासा केर नामकरन ढेइर जातिगत भासाक मिलल रूप केर आधारे ह’ए आहे, मुल रूपे पाँच परगना आर एकर आस पासे बस’बास कर’इआ जाति गिलाक आधारे ।
• पंचपरगनिया भासा के ना किबल ‘‘पंचपरगनिया’’ नामे जानल जाएला बल्कि एके अइन’ नामउ जानल जाएला जेसन – खेरवारी, तमड़िआ, दिकुकाजि, सदानी, सदरी, सादरी, गँवारी, टाँइड़बांगला, टाँइड़राजिआ एमाइन । एकर उपभासाउ आहे जेसन – राहेआरि, बांड़दिआ, बुंडूआरि, तमड़िआ, ढालभुमिआ, खरसंउइआ, मानभुमिआ एमाइन ।
• पंचपरगनिया आरज’ भासा परिबार केर भासा हेके ।
• पंचपरगनिया मुल रूपे पाँच परगना मेंहेन कहल जाएला किंतु एकर छेतर’ बिस्तार बांगाल, आसाम आर उड़िसा माहनउ आहे ।
• पंचपरगनिया भासा अनेक जातिगत भासा आर बाहिर ले आल भासाकेर मिसरन (खिचड़ि) हेके । जेसन – कुड़मि, मुड़ा, उराँव, हो, खड़िआ अहिर, महलि एमाइन आर भासाक मइधे बांगला, उड़िआ, हिंदी, उर्दू, आर आर’ जेतरा आसे पासेक छेतरिअ भासा । अहे तेहें पंचपरगनिया मेंहेन इग्ला सउब भासा गिलाक सब्दाउलि देखे पाउआएला । एत’ब कार’नेइ एके अइन’ भासाक बिदुआन आपन भासा मेंहेन मिलाएक असफल परेआस क’इर आहंए ।
• Panchpargania Bhasa Ker Best Bisesta पंचपरगनिया भासा केर झुमेइर गित हिंआक सउब गित केर पारान हेके । आर हिंआक बाज – बाजना सउब बाजा के त’पेक खेम’ता राखेला । हिंआ केर गित संगित मेंहन सउब ले बेसि राग, ताल, लए आर मातरा माहान गितकाल आर बाजाल जाएला । एतब कार’ने कहल जाए पाराए कि पंचपरगनिया भासा हिंआकेर सउब भासा केर आधार हेके । पंचपरगनिया भासा दसरा सउब भासा के संगे लेके चल’इआ भासा हेके । इ भासा टा दसरा कन’ भासा संग परभाबित नि हएला बल्कि दसरा भासा खुद इकर संग परभाबित हएला । इटा एकटा पंचपरगनिया भासा केर भिनु रकमेक बिसेसता हेके । एकर अलाउआ पंचपरगनिया भासिक नेग निअम, पिंधना अढ़ना, संसकार, खान – पान एमाइन सउब आलेदा आहे जेटा पाँच परगना आर पंचपरगनिया भासा के आलेदा चिन्हाप देला ।
• Panchpargania Bhasa Ker Best Bisesta पंचपरगनिया माहान किछु एसन बिसिस्ट सबद’ आहे जे गिला हिंआ केर बिसिसट’ता आर भिन ु- भिनु जातिअ भासाक खिंचड़ि रूप के फरिचाएला । जेसन –

आड़ास, आड़ाप, कुरूआ, कचे, केंजे, खांधा, खुदि, गतार, गादर, गेरेगेते, गेंदरा, घेंचा, घुनचा, चुड़ुल, चाड़ु, छेंदा, उंड़ुं, खामचा, हांबु, झांक, छंद’रंद’, जाभड़, झिंका, टुंढ़ु, टाटरा, ठुला, ठाँउ, डिडि, डागर, डाबेइर, डुकार, ढेलका, ढेपसा, ढुप, तुका, तिअन, तेंदड़, थथना, दामड़ा, दाँतिआ, धारना, नुड़ा, नारहाँठा, पुतलि, पंठिआ, पाट, पच’, पाटु, फंफरा, फासुड़, फदल’, बाँका, बांड़ारि, भुलकु, भरि, भाँबरा, मरखु, मेइर, मुंधना, रेंबेत, रिठाल, रूगड़ि, लाता, लुगा, लुधुर, लुबुस, सेरहा, सिप’इत, सेके, हाड़का, हुटुप, हुड़का, हेजेड़, भुलकु, पुचु, खाचड़, भेड़ारि, कुलुप, माकड़ा, चर’इ, पंडकि, आलिन, अरिआना, लेद’, निरजांगड़िआ, देदे – प’इच, जुअँाइट, निघा, हुड़का, फेरकि, टाटरा एमाइन

इन्हे भी देखें :-

• Panchpargania Test – 1
• Panchpargania Test-2
• panchpargania test – 3
• panchpargania tes – 4
• Panchpargania test-5
• Panchpargania Test -6
• Panchpargania Test-7
• Panchpargania Prakirna Sahit Ker Best Jankari
• पंचपरगनिया आधुनिक साहित्यकार
• Panchpargania Adhunik Sahityakar Ker Best Jankari 2
• Panchpargania Adhunik Sahityakar Ker Best Jankari 3
• Panchpargania Adhunik Sahityakar Ker Best Jankari 4
• Panchpargania Adhunik Sahityakar Ker Best Jankari 5
• Panchpargania Adhunik Sahityakar Ker Best Jankari 6
• Panchpargania Adhunik Sahityakar Ker Best Jankari 7
• Panchpargania Adhunik Sahityakar Ker Best Jankari 8
• Panchpargania Bhasa Ker Best Bisesta 1

Panchpargania Bhasa Ker Best Bisesta सारांश

इ रकम भाभे पंचपरगनिया केर आपन भासागत बिसेसता देखे पाउआएला जेटाक आधारे कहल जाए पाराए कि पंचपरगनिया एकटा नामकरा आर आलेदा (स्वतंत्र) भासा हेके ।

इ आरटिकल टा केसन लागलग जरूर कमेंट करबा। एसने बेस-बेस परीछा उपजगि आरटिकल पढ़ेक तेहें हामरेक बेबसाइट टाके र’जे भिजिट क’रबा। एकर अलावा पंचपरगनिया भासा संबंधी केसन जानकारी चाहाला उटाकउ कमेंट केर दाराए बताबा। लेगे सउब के जोहार कर’तिहि।