पंचपरगनिया सर्वनाम (Panchpargania Sarvanam) का परिचय

Panchpargania Sarvanam क्या है? परिभाषा, उपयोग, गुण तथा उसके विभिन्न भेदों का विस्तृत अध्ययन प्रस्तुत किया गया है। विद्यार्थियों और प्रतियोगी परीक्षा के लिए उपयोगी सामग्री। पंचपरगनिया भाषा में सर्वनाम (सरब’नाम) व्याकरण का एक महत्वपूर्ण अंग है। यह संज्ञा के स्थान पर प्रयुक्त होकर भाषा को सरल, स्पष्ट और सुगठित बनाता है।

पंचपरगनिया सरब’नाम (Panchpargania Sarvanam) की परिभाषा

सरब’नाम केर साब्दिक अरथ’ हेके – सरब’ (सउब) नाम (संइगा) इआनि सरब’ (सउब) नाम (संइगा) केर बदले जे सब्दक बेब’हार करल जाएला उके सरब’नाम कहल जाएला । इआनि संइगाक जाएगाएँ अकर अउजि रूप मेंहेन जन सब्दक बेब’हार करल जाएला उटाके सरब’नाम कहल जाएला ।

सरब’नाम केर बेब’हार

संइगा अहे चिज – बस्तु टाकरे ब’ध कराएला जेटा अकर नाम हेके, किंतु सरब’नाम मेंहेन पहिलुक संबंध अनुजाइ कन’इ भि बस्तु केर ब’ध कराएला, बेटा छुआ कहले सिरिफ बेटाछुआ केरे ब’ध कराएला कन’ पसु – पखि केर निहिं । किंतु ‘‘उ’’ कहले पहिलुक संबंध अनुजाइ कन’इ भि बस्तु केर ब’ध हए पारेला ।

Panchpargania Sarvanam/सरब’नाम केर गुन

बाइक मेंहेन सरब’नाम केर बेब’हार ना हए, ता हले एके सब्द’ केर ढेइर धं आबिरति, पास – धुर ब’ध केर अभाब, आदर – अनादर ब’ध केर अभाब, निस्चए – अनिस्चए ब’ध केर अभाब एमाइन जाला ह’इ । आर एसन टाँए बाइक मेंहेन संुदरता टा नस्ट’ ह’ए जाइ । इ रकम सरब’नाम कन’ सब्द’ के साराधं कहेक द’स ले बांचाएला । इ भाभे कहल जाए पाराए कि सरब’नाम केर बेब’हार करले भासा इस्पस्ट’, परबाह आर अलंकिरित हए जाएला ।

सरब’नाम केर भेद

पंचपरगनिया सरब’नाम (Panchpargania Sarvanam) केर छ’ टा भेद आहे –

1. पुरूस बाचक सरब’नाम – जन सरब’नाम ले पुरूस एआनि गलफ’ एआ लिखेक सम’इए कह’इआ, सुन’इआ चाहे जेकर बारे कहल जाएला, इटाक गेआन हएला, अके पुरूस बाचक सरब’नाम कहल जाएला । एकर तिन टा भेद आहे –

उतम पुरूस आर मइधम पुरूस के छ’इड़कहन सरब’नाम केर आर’ ज’तराइ भेद आहे, उगला सउब अइन’ पुरूस सरब’नाम केर हेके । उतम आर मइधम पुरूसे किबल पुरूस केर बदलि आएला बाकि सरब’नाम गिला पुरूस केर आलाउआ अइन’ जाइत, जिब – जंतु केर तेहंउ बेब’हार करल जाएला, अहे तेहें उतम पुरूस आर मइधम पुरूस केइ पुरूस बाचक सरब’नाम कहल जाएला । एसे त’ सभे सरब’नाम पुरूस बाचक कहल जाएला, काहेकि इगला ले बेआकरन केर पुरूस केर ब’ध हएला । किंतु दसरा सरब’नाम ले उतम आर मइधम पुरूस केर ब’ध नि हएला, अहे तेहें उतम आर मइधम पुरूसे परधान पुरूसबाचक सरब’नाम हेके बाकि सरब’नाम गिला अपरधान पुरूस बाचक हेके ।

2. निसच’ए बाचक सरब’नाम – जन सरब’नाम ले कन’ निसचित ल’ग चाहे चिज बस्तु केर गेआन हएला उगला के निस्चएबाचक सरब’नाम कहल जाएला । पंचपरगनिया मेंहेन एकर तिन अस्तर आहे – पासेक तेहें – इ, तनिक धुरेक तेहें – उ, एकर ले बेसि धुरेक तेहें – हाउ । जेसन –

हिंआ निस्चए टाके बल देएक तेहें ‘‘टा’’ सब्द’ ज’ड़ल जाएला ।

3. अनिस्चए बाचक सरब’नाम – जन सरब’नाम ले कन’ निस्चित ल’ग चाहे चिज बस्तु केर ब’ध नि हएला उटाके अनिस्चए बाचक सरब’नाम कहल जाएला । पंचपरगनिया मेंहेन केउ, कन’, के, केकर’, केकउ एमाइन अनिस्चए बाचक सरब’नाम हेके । जेसन –

केउ दकान जाउन ।
दकाने कन’ नेखे ।
कन’ लग उठिन ठाड़ आहे ।
कन’ छुआ बांधे डुबलक ।
के उठिनटा ठाड़ आहे ।
केकर’ डट उठिन गिर आहे ।
मामा घर केकउ हले जाए ह’इ । एमाइन

4. परस्न’बाचक सरब’नाम – परस्न’ करेक तेहें जन सरब’नाम केर बेब’हार करल जाएला, उगला के परस्न’बाचक सरब’नाम कहल जाएला । पंचपरगनिया मेंहेन परसन’ बाचक सरब’नाम के, केकर, का, कन, केसन, एमाइन हेके ।

• सामाइन’ रूपे पंचपरगनिया मेंहेन मानुस केर तेहें के, केकर, के – के, आर छटे – छटे जीउ आर चिज बस्तुक तेहें का केर बेब’हार करल जाएला । जेसन – मानुस केर तेहें – के खालक ? के नाहातेहे ? केकर भेड़ा हेके ? के – के लिखला ? केकर ठिन जाए र’हिस ? एमाइन । छटे – छटे जीउ , चिज बस्तुक तेहें चाहे कन’ काथा पुछेक तेहें – इटा का जीउ हेके ? का खाबे ? इटा का हेके ? का जिनिस राखल आहे ? का कहले ? का गिला कहिस्ला ? एमाइन ।

• ‘‘केसन’’ सब्दक बेब’हार कन’ लग, जीउ – जंतु, चिज – बस्तु एमाइन केर भाउ, बिसेसता केर बारे परस्न’ पुछेक तेहें करल जाएला, जेसन – उ केसन धाराक लग हेके ? बकलिटा केसन रंगेक आहे ? तिअनटा केसन लाग’ तेहे ? उ बेटिछुआटाक चाइल – चलन केसन आहे ? इ आम गिलाक सउआद केसन आहे ?

• ‘‘कन’’ केर बेब’हार मानुस, छटे – छटे जीउ आर चिज बस्तु तिन’ केर तेहें करल जाएला । जेसन – कन लग हेके ? तहरे कन गांउ केर हेका ? कन गाइटा दुधारू हेके ? कन गाछटा गिरलक ? कन लगटा लेड़हा हेके ? कन कंठर टा पाकलक ?

5. निज बाचक सरब’नाम – जे सरब’नाम निजेक चाहे आपने आप टाकेर ब’ध क’राएला उके निज बाचक सरब’नाम कहल जाएला । पंचपरगनिया निजबाचक सरब’नाम आपने, खुद, निजेइ, आपन हेके । जेसन –
आपने – मएँ आपने लिखलँ ।
खुद – मएँ खुद जाए रहँ ।
निजेइ – कन’ काम निजेइ करले बेस ।
आपन – आपन सामान ज’गाए के राखले बेस ।

6. संबंध बाचक सरब’नाम – जन सरब’नाम ले कन’ संइगा केर संबंध जाहिर हएला, उटाके संबंध बाचक सरब’नाम कहल जाएला । पंचपरगनिया केर संबंध बाचक सरब’नाम जे – से/उ/ते, जेटा – सेटा, जे गिला – से गिला, जन टा – तन टा एमाइन । जेसन –
जे खाटि से/उ/ते चाटि ।
जे पढ़ि से/उ/ते पास करी ।
जे आइ से/उ/ते पाइ ।
जे चाँड़े आइ से/उ/ते पाइ ।
जे आम गिला पाकलक से गिलाके पाड़ा ।
जन टा गिरलक तन टाके फेंका ।
जेटा पचलक सेटा के फेंका ।

Panchpargania Sarvanam बिसेस काथा –

पंचपरगनिया मेंहेन ‘‘रउरे’’ केर बेब’हार आदर देएक तेहें करल जाएला, किंतु एके आलेदा रूपे आदर सुचक सरब’नाम नि मानल जाएला । इटाके पुरूस बाचक सरब’नाम केर भितरेइ राखल जाएला ।

Panchpargania Sarvanam केर निष्कर्ष

पंचपरगनिया सर्वनाम Panchpargania Sarvanam भाषा को सरल, स्पष्ट और प्रभावशाली बनाता है। इसके विभिन्न प्रकार भाषा की संरचना और अभिव्यक्ति को समृद्ध करते हैं। व्याकरण की दृष्टि से यह एक अत्यंत महत्वपूर्ण विषय है।

👉 यह भी पढ़ें:

• पंचपरगनिया संज्ञा
• पंचपरगनिया विशेषण
• पंचपरगनिया क्रिया