भासा का हेके ?|भाषा क्या है ? |Bhasha Ki Best Pribhasa Kya Hai ?

Share

भासा केर साबदिक अरथ’

भासा का हेके ?|भाषा क्या है ? |Bhasha Ki Best Pribhasa Kya Hai ? :- भासा सबद’ टा संस्कृत केर ‘भाष्’ धातु ले बइन आहे जेकर अरथ’ बलेक, कहेक आर गल्फ’ करेक हएला। एआनी भासा उटा हेके जेटाके कहल, बलल आर उचारन करल जाएला। एबार बिचार कइर देखा जदि भासा नाइ रहतक हले एखन जन सामाजिक बिकास केर सेरेस्ठ’ रूप देख’तिहि इटा का संभव रहे? नाहीं न।

अहे तेहें कहल जाए आहे भासा पाराकिरतिक केर एकटा अनुपम आर चमत्कारिक देन हेके। मानुस सामाजिक ज’गा-ज’ग (सम्पर्क) करेक तेहें भासाक बेबहार करेला अहे तेहें भासा के ज’गा-ज’ग करेक तेहें नामकरा साधन मानल जाएला। मानुस आर पसु मेहेन जे अन्तर आहे उटाके भासाइ अलग करेला। एआनी कहे, बले पारेक तेहेंइ मानुस के पसु ले उपर, देउताक पासेक जीउ मानल जाए आहे।

भासा का हेके ?|भाषा क्या है ?

भासा का हेके ?|भाषा क्या है ? ईटाक सम्बन्धे कोहल जाय पारय की , मानुस एकटा एसन जीउ हेके जे सामाज मेहेन रइकन आपन गुजर बसर करेला। आर इ आपन भाउ, बिचार आर अनुभुति गिला के भासाक माइधमे एक दसर लग ताहाँ तक पहँचाएला। भासा बिग्आन् केर बिदुआन डाॅ॰ भोलानाथ तिवारी भासाक परिभासा इ रकम भाभे दे आहँय “भासा एसन साधन हेके जेकर दाराए हामरे सं’चिला आर आपन बिचार के बेइअक्त’ करिला।

इसे भी पढें –

किंतु हिंआ सउआल उठ’तेहे कि हामरे जेटा सं’चिला सेटाके कखन’ मुड़ हिलाए कहन, हाँथ हिलाए कहन, आँइख एमाइन मिटकाए कहन’ त बेइअक्त’ क’रिला एआनी कि इसारा कइर कहनउ बेइअक्त’ क’रिला। का इटाकउ भासा कहबिक? जबाप हइ नाहीं। काहेकि भासा अहे टाकेइ कहल जाएला जेटा कहल आर सुनल जाएला।

मानुस केर भासा आर मानबेतर भासा –

एबार इठन’ सउआल उठ’तेहे जे क’ह’इआ आर सुन’इआ त’ गुंगा मानुस, गरू-छागेइर, बनेक जीव जंतु, चरइ चुनगुनइअ त’ आहेन। का इमनकेर कहल सुनल टाकउ भासा क’हबिक? जबाप ह’इ नाहीं। हिंआ कह’इआ आर सुन’इआ केर मतलब गुंगा मानुस, गरू छागेइर, बनेक जीव जंतु आर चरइ चुनगुनी गिला नाहीं बल्कि क’हे पार’इआ मानुस ले लेल जाए आहे।

Bhasa ka heke
भासा का हेके ?|भाषा क्या है ?

आसल भासा आर सांकेतिक भासा –

गुंगा मानुस आपन बिचार के इसारा कइर कहन कहेला। बालकछुआ किबल कांइद कहन आपन हिंछा जानाएला। कन’-कन’ ल’ग केकर’ चेहरा देइखकन उकर बिचार भाउ के जाइन लेला, किंतु इ सउब इसारा (संकेत) गिला के सामाज केर सउब ल’ग बेस भाभे बुझे नी पारंए आर सामाज मेहेन एक दसर केर बिचार भाउ के बुझेक मेहेन जाला (समस्या) ह’इ। इ रकम एसन इसारा (सांकेतिक) भासा ले सामाज केर काम नि चले पारे।

इसे भी पढें –

चरइ-चुनगुनी, गरू-छागेइर, बनेक जीव-जंतु एमाइन गिला जन आवाज टा बाहराएंला उटा ले सिरिफ भुख लागेक, सुख-दुख, रिझ एमाइन केरे पाता चलेला किंतु मानुस जन भासा टाकेर बेब’हार करेला उटा ले सउब रकमेक विचार भाउ गिला केर पाता चलेला। इ रकम मानुस जन भासाक बेब’हार करेला उटाके भासा बिग्इआने बेएक्त’ भासा आर इसाराक (सांकेतिक) दाराए जन भासाक बेबहार ह’एला उटाके अबेएक्त’ भासा कहल जाएला।

इ भाभे हिंआ हामरे बेएक्त’ भासा केर चरचा कर’तिहि।
क’ह’इआ बुझे पारेक (अर्थ युक्त) रकम आउआज बाहराएला आर सुन’इआ सुइनकहन बिचार आर भाउ के बुझेला। इ रकम भाभे भासाक दाराए हामरे आपन बिचार आर भाउ द’सर लग तक पहुँचाइला आर द’सर लगेक बिचार आर भाउ के निजे बुझिला। भासाक परिभासाक संबंधे भिनु-भिनु बिदुआन गिला केर मत इ रकम भाभे आहे।

Bhasha Ki Best Pribhasa Kya Hai ?

भासा केर संबंधे भिनु-भिनु बिदुआन केर बिचार –

प्लेटो केर अनुजाइ-

Bhasha Ki Best Pribhasa

“बिचार आर भासा मेहेन तनिक टाइ अन्तर आहे। बिचार आत्मा केर मुक चाहे चुपचाप (अध्वन्यात्मक) गल्फअ हेके। किंतु हुंआइ जखन आउआज (ध्वन्यात्मक) हएकहन अ’ठ ले बाहराएला त अहे टाकेइ भासाक नाम देल जाएला।”
स्वीट केर अनुजाइ-“साड़ाक (ध्वन्यात्मक) सब्देक दाराय बिचार के दसर ताहाँ तक पहंचाना (प्रकट) टाइ भासा हेके।”

वेन्द्रिए केर अनुजाइ-

Bhasha Ki Best Pribhasa

“भासा एक रकमेक इसारा हेके। इसारा केर मतलब असन चिन्हा ले आहे जेगिला ले मानुस आपन बिचार दसर तक पहँचाएला। एसन चिन्हा गिला ढेइर रकमेक आहे-आँइख ले देइखकन बुझेक, कान ले सुइनकहन बुझेक आर छुइ चाहे छुआए कहन बुझेक। किंतु भासाक नजइरे कान ले सुइनकहन बुझेक चिन्हा टाइ सेरेसठ’ हेके।”

Bhasa ka heke 1
भासा का हेके ?|भाषा क्या है ?

बाबूराम सक्सेना केर अनुजाइ-

Bhasha Ki Best Pribhasa

“जन धउनि चिन्हाक दाराए मानुस एक दसर संग बिचार केर आदान परदान करेला, उटाके भासा कहल जाएला।”

सुकुमार सेन-

Bhasha Ki Best Pribhasa

“अर्थवान, कण्ठोद्गीर्ण धवनि-समिष्ट टाइ भासा हेके।”

स्त्रुतेवाँ- भासा इआदरिछिक धउनि इसारा केर असन बेब’स्था हेके जेटाक दाराए सामाजिक समूह केर ल’ग एक दसर संग मदइत आर बिचार केर आदान परदान करेनला।”

इसे भी पढें –

उपरेक ज’तनाइ परिभासा देल जाए आहे कन’ नीहीं कन’ कमी देखातेहे। कनइ भी चीज बस्तु चाहे Bhasha Ki Best Pribhasa केर बारे परिभासा देना टा बहुत बड़े जाला केर काम हेके। किंतु उपरे देल अनेक बिदुआन गिलाक परिभासा केर आधारे कहल जाय पाराए कि भासा एकटा एसन जुतिआल (व्यवस्थित) सारथक साड़ाक (धवनिक) हुंड़ा (गठन) हेके जेकर दाराए ल’ग आपन रिदए चाहे मन मेहेन आउअल बिचार आर भाउ के आपन इच्छाक अनुसारे आपन धवनि तंतर’ ले उचारन कइरके दसर ल’ग तक पहँचाएक काम करेनला।

भासा केर भेद:-

  1. मउखिक भासा
  2. लिखित भासा

मउखिक भासा – जखन हामरे आपन मन केर बात चाहे भाउना के कइकहन दसर ल’ग केर पासे राखिला चाहे पहंचाइला आर दसर ल’गेक मन केर बात चाहे भाउना के ठीक अहे रकमे भाभे हामरे समझीला, बुझीला उटाकेइ मउखिक भासा कहल जाएला। एआनि हामरे केकर’ संग कन’ काथा क’हिला आर उ काने सुनेला आर बुइझ कहन उह’ काथाटाक जबाप देला जेटा हामर’उ काने सुइनकहन बुझीला अहे टाकेइ मउखिक भासा कहल जाएला।

लिखित भासा – जखन हामरे आपन मन केर बात चाहे भाउना के लिखकहन दसर लग केर पासे राखिला चाहे पहंचाइला आर दसर लगेक मन केर बात चाहे भाउना के ठिक अहे रकमे भाभे समझीला, बुझीला उटाकेइ लिखित भासा कहल जाएला। जेसन- चिठी पतर’ मेहेन लिखल भासा, किताब मेहेन लिखल भासा, म’बाइल मेहेन मेसेज लिख कहन पाठाना एमाइन।


Share

1 thought on “भासा का हेके ?|भाषा क्या है ? |Bhasha Ki Best Pribhasa Kya Hai ?”

Leave a Comment